Ambasadori i Shteteve të Bashkuara të Amerikës në Prishtinë, Jeffrey Hovenier, ka kujtuar ditën kur SHBA-ja njohu pavarësinë e Kosovës, një ditë pas shpalljes.

Hovenier tha se SHBA-ja është krenar për mbështetjen që i ka ofruar për Kosovën.

Sipas tij, SHBA është krenare për nivelin e demokracisë që ka arritur populli i Kosovës.

“Këtë Ditë të vitit 2008, Shtetet e Bashkuara e njohën zyrtarisht Kosovën. 15 vjet më vonë, ne jemi krenarë për mbështetjen tonë dhe të frymëzuar nga demokracia e gjallë dhe e lulëzuar që ka arritur populli i Kosovës”, ka shkruar Hovenier në Twitter.