Presidenti Joe Biden do t’i “dërgojë mesazhe” homologut të tij rus, Vladimir Putin, kur të flasë në Varshavë të martën, ndërsa përshëndet përpjekjet e pashembullta të NATO-s për të ndihmuar Ukrainën, ka thënë SHBA.

Agence France-Presse raporton se Biden do të mbajë fjalimin në Poloni – një aleat kyç i SHBA-së – në të njëjtën ditë që Putini do të mbajë fjalimin e tij në Moskë, tre ditë para përvjetorit të një viti të pushtimit të Rusisë.

Biden do të takohet në Varshavë të martën dhe do të takohet me presidentin polak, Andrzej Duda. Të mërkurën ai takohet me krerët e ‘Bukuresht Nine’, një grup anëtarësh të NATO-s në Europën Lindore.

Përveç kësaj, tha Shtëpia e Bardhë, ai do të fliste me telefon javën e ardhshme me liderët e Britanisë, Francës dhe Italisë. Kancelari gjerman, Olaf Scholz, do të jetë në Washington më 3 mars.

Presidenti Biden do ta bëjë të qartë se Shtetet e Bashkuara do të vazhdojnë të qëndrojnë me Ukrainën “për aq kohë sa të duhet”.