Shefi i Grupit Parlamentar të PDK-së, Abelard Tahiri ka thënë se të enjten në seancën e Kuvendit të Kosovës do të kërkojnë shkarkimin urgjent të ambasadorit, Martin Berishaj, shkruan Gazeta Online Reporteri.net.

Në një postim në Facebook, Tahiri thotë se qëndrimi i mëtutjeshëm i tij në pozitën e ambasadorit është i papranueshëm.

Tutje ai shkruan se një pushtet që emëron dhe mbron ambasadorë të aferave multimilionëshe me mafinë energjetike të Serbisë, nuk i përfaqëson qytetarët e Kosovës.

“Të enjten në seancën e Kuvendit, do të kërkojmë shkarkimin urgjent të ambasadorit Martin Berishaj, qëndrimi i mëtutjeshëm në detyrë i të cilit, është thjeshtë i papranueshëm. Një pushtet që emëron dhe mbron ambasadorë protagonistë të aferave multimilionëshe me mafinë energjetike të Serbisë, nuk përfaqëson qytetarët e Kosovës dhe as të ardhmen e saj”, ka shkruar Tahiri.

Një hulumtim i Gazetës Online Reporteri.net i publikuar në maj të vitit të kaluar kishte zbuluar afër 2 milionë Euro të hyra në xhirollogaritë e “MB Consulting”, biznesin e Martin Berishajt në Mal të Zi, në më pak se 5 vite – nga fundi i vitit 2016 deri në vitin 2020.

Afër 2 milionë Euro të hyra në biznesin e Martin Berishajt ku u derdhën paratë e GEN-I nga Beogradi