Hetuesit nga Njësiti i Hetimeve të Përgjithshme kanë arrestuar një person i cili është i dyshuar që nga shtatori i vitit 2022 për përvetësim dhe shitje të barnave në vlerë 50 mijë euro.

Kjo është bërë e ditur përmes një njoftimi zyrtar të Policisë së Kosovës ku thotë se personi i dyshuar V.V, 41 vjeçar, dyshohet të ketë kryer veprën-keqpërdorim i besimit.

“Mbështetur në rezultatet e para të hetimit, policia ka ngritur dyshimin e bazuar se i njejti dyshohet se që nga shtatori i vitit 2022, duke keqëpërdorë besimin, ka përvetësuar një sasi të barnave të cilat më pas i ka shitur te një person tjetër (vlera e përafërt e dëmit të shkaktuar është rreth 50000 euro).”, thuhet në njoftimin e Policisë, përcjell Reporteri.net.

I dyshuari është arrestuar sot pas paraqitjes së rastit nga ankuesi e më pas është ndaluar për 48 orë ndërkohë që policia është duke kërkuar një person tjetër që mund të jetë i përfshirë në këtë rast. /Reporteri.net/.

Njoftimi i plotë: