Kryetari i Partisë Demokratike të Kosovës, Kadri Veseli, ka takuar futbollistet e Përfaqësueses së Kosovës.

Veseli me këtë rast tha se rritja e cilësisë në sport i sjellë Kosovës shumë kampionë.

“Masivizimi i sportit, rregullimi i ambienteve sportive, investimi në talente dhe rritja e cilësisë bënë që Kosova të ketë më shumë kampionë dhe të fitojë më shumë tituj, kupa e medalje. Këto rezultate dëshmojnë sa i rëndësishëm është investimi te të rinjtë”, ka shkruar Veseli.

Me këtë rast numri një i PDK-së shtoi se futbollistet tek futbollistet sheh entuziazëm për fitoret e radhës.

“Sot i takova edhe futbollistet e reprezentacionit të Kosovës, të cilat ishin shumë entuziaste për fitoret e radhës”, ka shkruar Veseli.

Ndeshjen e radhës vashat e Kosovës do ta zhvillojnë me Turqinë.

https://www.facebook.com/kadriveseliofficial/videos/493554284769569/