Kryeministri i Kosovës, Albin Kurti, ka njoftuar të martën në platformën X se kanë rishikuar progresin mbi Kornizën e Bashkëpunimit për Zhvillim të Qëndrueshëm të OKB-së gjatë një takimi me Komitetin e Përbashkët Drejtues, transmeton Reporteri.net.

Kurti ka theksuar arritjet kryesore të këtij bashkëpunimi, duke përfshirë përfundimin e suksesshëm të regjistrimit të popullsisë dhe përafrimin e prioriteteve kombëtare me ato të agjencive të OKB-së.

“Sot, me Komitetin e Përbashkët Drejtues, rishikuam progresin mbi Kornizën e Bashkëpunimit për Zhvillim të Qëndrueshëm të OKB-së. Disa nga pikat kryesore përfshijnë përfundimin e suksesshëm të regjistrimit të popullsisë dhe përafrimin e prioriteteve tona kombëtare — si transformimi dixhital dhe lufta kundër pabarazisë — me agjencitë e OKB-së,” tha Kurti.

Ai theksoi “përkushtimin e tij dhe të ekipit të tij për të avancuar zhvillimin e qëndrueshëm të vendit”.

“Të gjithë jemi të prirur për të ndërtuar mbi ato që kemi arritur deri tani dhe për të çuar përpara zhvillimin e qëndrueshëm të Kosovës,” ka shkruar Kurti.

Today with the Joint Steering Committee we reviewed progress on the UN Sustainable Development Cooperation Framework. Key highlights include our successful completion of the census & the alignment of our national priorities — such as digital transformation and fighting inequality… pic.twitter.com/1S2qmMxXoL

— Albin Kurti (@albinkurti) July 16, 2024