Mediat në Serbi kanë publikuar një video, në të cilën pretendojnë se Faton Hajrizi para se të vritej kishte shkuar afër kufirit me Bosnjë Hercegovinen dhe kishte hyrë në një oborr të një shtëpie ku ka marrë një biçikletë.

Në video shihet një burrë teksa afrohet pranë një shtëpie, dhe para se të largohet e merrë një biçikletë që gjendet aty.

Sipas tyre, kjo video është marrë nga kamerat e sigurisë.

Pas rreth 40 orësh kërkime, Faton Hajrizi dje u lokalizua dhe u vra nga policia serbe. Ai ishte shpallur në kërkim për vrasjen e policit serb dhe plagosjen e një tjetri.

Pas vrasjes së tij mediat serbe kanë dhënë disa versione se si u lokalizua Hajrizi.

Gazeta beogradase “Blic” ka raportuar se Faton Hajrizi, ka qenë duke vrapuar në një rrugë kur aty ka kaluar një patrullë e policisë.

Sipas gazetës, Hajrizi ka filluar të qëllojë në drejtim të tyre.

‘Siç mësojmë, Faton Hajrizi ka mbetur i plagosur nga reagimi i policëve që ndodheshin në veturën patrulluese. Pasi policia e plagosi Hajrizi filloi të çalojë, ai u përpoq të arratisej duke vazhduar të gjuante, por u neutralizua shumë shpejt”, shkrun Blici serb duke u thirrur ne hetues policorë.

Tutje, duke u thirrur në burime “Blic” shkruan se dyshohet se Faton Hajrizi i ka thyer celularin dhe e ka hedhur.

Siç raporton mediumi serb Novosti, Hajrizi është vrarë në rrugën Drinska 21 në Loznicë për shkak se i ka bërë rezistencë Policisë.

Tutje thuhet se një vendas e raportoi se kishte parë një person me përshkrimin e MPB-së në Serbi pranë ish-pompës së karburantit të Viskozës.

Në vendin ku u vra Hajrizi, dje ka shkuar Ministri i Punëve të Brendshme të Serbisë, Ivica Daçiq.

Sipas tij, Hajrizi ka shkrepur 9 plumba dhe se dorëzimin s’e ka pasur në agjendë.

“Kur erdhi policia ai hapi zjarr, policia gjuajti dy herë, ai filloi të ikte. Ai zbrazi nëntë plumba, policia e likuidoi, ai nuk e kishte dorëzimin në axhendën e tij, ai është një kriminel mizor, ka kryer pesë apo gjashtë vrasje”, thotë Daçiq.

Vrasja e policit në Loznicë, u gjet pasaporta e Artan Hajrizit

Faton Hajrizi u arrtij më 6 korrik nga burgu i Smrekonicë dje vendndodhja e tok nuk u dit për një kohë.

Emri i tij nisi të përmendej sërish më 18 korrik, kur në Serbi u raportua vrasja e një zyrtari policor, në qytetin perëndimor të Lloznicës.

Sipas dyshimeve fillestare, dorasi kishte ikur, ndërsa në vendngjarje ishin gjetur dokumentet e një personi të quajtur Artan Hajrizi.

Më vonë u mësua se Artani ishte vëllai i Fatonit, i cili u paraqit nga Gjermania duke pretenduar se i vëllai ia kishte vjedhur dokumentet për t’ia përdorur për arratisje.

Si i dyshuar për vrasje, Fatoni ishte në kërkim nga autoritetet serbe për disa orë, derisa Ministria e Punëve të Brendshme njoftoi se ai ishte vrarë derisa po ikte nga Policia. /Reporteri.net/.