Një aksident trafiku ka ndodhur sot në mëngjes mes një veture dhe motoçiklete në Prizren.

Rastin e ka konfirmuar për Gazetën Online Reporteri.net, zëdhënësi i policisë për rajonin e Prizrenit, Shaqiri Bytyqi.

Ai ka thënë se si pasojë e aksidentit motoçiklisti ka pësuar lëndime të rënda trupore dhe është dërguar në QKUK në Prishtinë.

“Sot me date 21.07.2024, rreth orës 10:10 është raportuar për një aksident trafiku në rrugën “Tahir Sinani” në Prizren. Në aksident janë të përfshirë një automjet dhe një motoçikletë. Si pasoj e aksidentit një person (motoçiklisti) ka pësuar lëndime të rënda trupor dhe është transportuar për në QKUK në Prishtinë. Policia ka dal vendngjarje dhe është duke u marr me rastin”, tha Bytyqi.

/Reporteri.net/