Duke shkruar në letrën e saj të aplikimit në kolegj, Daryna Bazylevych e përshkroi familjen e saj si “jashtëzakonisht të lidhur me njëri tjetrin”.

Ajo foli për mbështetjen e prindërve të saj dhe mënyrën se si ata i treguan asaj dhe motrave të saj histori për Ukrainës. “Ata janë shtylla më e fortë në jetën time dhe më ndihmojnë të kapërcej çdo pengesë”, ka shkruar ajo.

Nga pesë anëtarët e familjes së saj, vetëm Yaroslav, babai i Darynës, është tani gjallë, një i mbijetuar i vetëm i një sulmi rus në shtëpinë e tyre në qytetin perëndimor të Ukrainës, Lviv, të mërkurën, shkruan CNN.

Sipas dëshmitarëve okularë, Daryna, 18 vjeç, motrat e saj Yaryna, 21, dhe Emilia, 7, dhe nëna e tyre 43-vjeçare Yevhenia u vranë ndërsa ishin strehuar në shkallët e ndërtesës së tyre të banimit, thanë shërbimet e urgjencës ukrainase.

Yaroslav mundi të mbijetojë sepse ai ishte në banesën e familjes kur raketa goditi ndërtesën. Ai doli për të marrë pak ujë për familjen – pasi shkallët ishin menduar të ishin vendi i sigurt.

Vdekja e tre motrave dhe nënës së tyre shkaktoi një pikëllim mes njerëzve në Lviv dhe në mbarë Ukrainën.

Darina, motra e mesme, ishte studente me bursë për kulturën ukrainase në Universitetin Katolik të Ukrainës në Lviv. Ajo sapo kishte filluar vitin e dytë.

Yevhenia, nëna dhe dy vajzat më të mëdha ishin anëtarë të lëvizjes së Skautëve të Ukrainës. Në një deklaratë, Skautët e përshkruan Yevhenian si një “personalitet krijues, inteligjent, pozitiv dhe të ndritur”./ Top Channel