Ministri i Shëndetësisë Venko Filipçe në konferecën e sotme ka bërë të ditur se ka edhe 4 raste të reja me koronavirusin. Numri i të prekurve në Maqedoninë e Veriut shkon në 13.
Filipçe njoftoi se qeveria do të shpall gjendje krize në Dibër dhe Qendër të Zhupës.
“Në mbledhjen e sotme qeveria miratoi që të shpallet gjendje krize në Dibër dhe Qendër të Zhupës. Sot pacientët janë në gjendje stabile, përveç pacientes së parë nga Dibra, e cila mund të vendoset në aparate të frymëmarrjes. Sot kanë ardhur rezultate nga Dibra për 10 pacientë, ndërsa 4 kanë rezultuar pozitiv”-tha mes tjerash Filipçe.