Një shqiptar është dënuar me 14 vjet burg pasi akuzohet se është autor i mbi 20 grabitjeve të banesave në jugperëndim të Londrës.
Astrit Kapaj u shpall fajtor për vjedhjen e dhjetra banesave mes vitit 2008 dhe shkurtit 2019. Ai ka vjedhur para dhe bizhuteri në vlerën e 500 mijë paundë.
Kapaj u shpall fajtor nga Gjykata e Kingston Crown.
Skynews.com shkruan se ai kishte tentuar të grabiste edhe shtëpinë e një ylli tenisi, Boris Becker.
Kishte qenë shumë i kujdesshëm kur kryente grabitjet sa u deshtën disa vjet që policia të binte në gjurmët e tij.
Media britanike tregon dy raste kur Kapaj kishte rrëmbyer 600 paund nga portofoli dhe kishte lënë 200, duke u dukur sikur vetë i zoti i portofolit kishte shpenzuar paratë vetë.
Në të njëjtën mënyrë vidhte dhe unaza apo varëse, dhe krijonte kushte të tilla që familjarët të mendonin se e kishin humbur vetë.
Policia nuk kishte mundur të gjente asnjë gjurmë gishti në banesat e bastisura nga ai, ndërsa arrestua vetëm falë pamjeve që kishin kapur kamerat e sigurisë
Në fillim policia e akuzoi për 200 vjedhje.
Kapaj kurrë nuk e zbuloi se cfarë kishte bërë me paratë dhe bizhuteritë, por policia beson se ai i ka lënë në bixhoz.