×
  • Lajme
  • Botë

    Shefi i Facebookut pranon rritjen e taksave në Evropë

    Reporteri
    14 Shkurt 2020 | 12:32

    Shefi i gjigantit, Facebook, Mark Zuckerberg ka thënë se pranon që kompania e tij mund të paguajë më shumë taksa në të ardhmen në Evropë dhe pranon “frustrimin” e njerëzve lidhur me këtë çështje.


    Ai ka thënë po ashtu se mbështet planet e Institutit kërkimor, Organizata për Bashkëpunim Ekonomik dhe Zhvillim për të gjetur një zgjedhje globale.

    Facebook edhe kompani tjetër janë akuzuar vazhdimisht se nuk kanë paguar shumën e duhur të taksave në shtetet ku veprojnë.

    Mbretëria e Bashkuar ka thënë se planifikon të prezantojë taksa të reja për shërbimet e saj digjiale në muajin prill, pavarësisht kundërshtimeve të SHBA-së.

    Nëse merret ky vendim, Mbretëria e Bashkuar mund të përfitojë deri në 500 milionë dollarë brenda vitit.

    Franca në anën tjetër është pajtuar për të shtyrë vënien e taksave në shitjet digjitale deri në fund të vitit, duke shtyrë kështu edhe arritjen e një marrëveshjeje globale.

    Zyrtarët amerikanë për tregti kanë thënë se kompanitë amerikane po shënjestrohen padrejtësisht në Evropë.

    Në shenjë hakmarrjeje, Uashingtoni ka kërcënuar me vënien e tarifave në disa produkte ushqimore franceze./rel

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!