×
  • Lajme
  • Botë

    Shkon në 81 numri i viktimave të vërshimeve në Gjermani, mbi 1.000 të zhdukur

    Reporteri
    16 Korrik 2021 | 8:13

    Transmetuesi publik gjerman, ARD, raportoi të premten se ka shkuar në 81 numri i viktimave të vërshimeve, ndërsa rreth 1.300 njerëz janë ende të zhdukur.


    Autoritetet lokale në Ahrweiler, në jug të Këlnit, thanë përmes rrjeteve sociale se rreth 1.300 persona janë të zhdukur. Në disa rajone kanë dalë nga sistemi rrjetet e telefonisë moblie, duke ua pamundësuar familjarëve kontaktin me më të afërmit e zhdukur.

    Të premten në mëngjes, disa shtëpi u shembën në Erftstadt, afër Këlnit, ndërsa ekipet e shpëtimit po mundoheshin t’u dalin në ndihmë banorëve, të cilët ishin kthyer në shtëpitë e tyre pavarësisht paralajmërimeve, shkruan Reuters, transmeton Gazeta Express.

    Fshati Schuld është shkatërruar i tëri nga vërshimet (Foto: EPA)
    Një digë afër kufirit me Belgjikën, “Rurtalsperre”, u përfshi nga vërshimet gjatë natës, ndërsa një tjetër, “Steinbachtalsperre”, është në gjendje të paqëndrueshme.

    Ministri gjerman i Punëve të Brendshme, Horst Seehofer, tha për revistën “Der Spiegel” se qeveria federale synon të ofrojë përkrahje financiare për rajonet e prekura sa më shpejt që është e mundshme.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!