Një grua indiane ka njoftuar se do të martohet me veten në atë që është quajtur ‘sologamia’ e parë e vendit.

Kshama Bindu, një e diplomuar në sociologji me origjinë nga shteti perëndimor i Gujarat, do të martohet me veten në një ceremoni tradicionale hindu, të ndjekur nga familja dhe miqtë në qytetin e Vadodara më 11 qershor. 24-vjeçarja thotë se martesa do të jetë ‘një akt i thellë vetë-pranimi’ dhe se do të shkojë për një muaj mjalti dy-javor në Goa. Duke folur mediat, Bindu tha:

“Kam kuptuar se nuk kam nevojë për një princ simpatik, sepse unë jam mbretëresha. Unë dua ditën e dasmës. Kjo është arsyeja pse kam vendosur të martohem me veten më 11 qershor. Do të vishem si nuse, do të marr pjesë në rituale, miqtë e mi do të marrin pjesë në dasmën time dhe pastaj do të kthehem në shtëpinë time në vend që të shkoj me dhëndrin”, tha ajo.

Bindu, e cila identifikohet si biseksuale, tha se ka miratimin e babait të saj një inxhinier nga Afrika e Jugut dhe nënës gjithashtu një inxhinier, nga Ahmedabad për ceremoninë martesore “pa dhëndër”.

Pasi të martohet me veten, Bindu do të niset për një muaj mjalti dy-javor në shtetin jugor indian të Goa.

“Unë kam rezervuar tashmë një prift për të solemnizuar martesën time. Kam vënë re se ndryshe nga perëndimi, martesat me vetveten nuk janë të njohura në Indi. Prandaj, kam vendosur të filloj këtë trend dhe të frymëzoj të tjerët. Njerëzit mund të mos e pëlqejnë idenë time, por kam besim se po bëj gjënë e duhur”, tha ajo.

Por Krishnakant Vakharia, një avokat në Gjykatën e Lartë të Indisë, tha se ligji përcakton se duhen dy persona për të bërë një martesë dhe se ‘sologamia’ nuk do të njihet si legjitime.