Kriptomonedha më e njohur në botë është rritur për më shumë se 30 për qind që nga zgjedhjet presidenciale në Shtetet e Bashkuara të Amerikës, shkruan Al Jazzera, përcjell Gazeta Online Reporteri.net.

Bitcoin arriti një rekord prej 89,637 dollarë të martën, një shpërthim ky që nga zgjedhjet presidenciale në ShBA më 5 nëntor.

Investitorët parashikojnë që Washingtoni të marrë një kthesë drejt politikave më miqësore ndaj kriptove nën udhëheqjen e Trumpit.

Gjatë mandatit të tij të parë si president, Trump e quajti Bitcoin një “mashtrim” dhe u ankua se monedha po “konkuronte kundrejt dollarit”.

Republikani, megjithatë, ndryshoi rrënjësisht qëndrimin gjatë fushatës së tij të rizgjedhjes për t’u paraqitur si kampion i kriptove.

Ndër premtimet e tjera, Trump është zotuar të kthejë SHBA-në në “kryeqytetin e kriptove në planet” dhe të zëvendësojë kryetarin e Komisionit të Letrave me Vlerë dhe Shkëmbime, Gary Gensler, i cili udhëhoqi përpjekjet e administratës së Presidentit Joe Biden, për të rritur mbikëqyrjen e sektorit.

Në shtator, Trump njoftoi nisjen e sipërmarrjes së tij të kriptove, “World Liberty Financial”, së bashku me anëtarët e familjes së tij.

/Reporteri.net/