Pas vendimit të autoriteteve amerikane për të hedhur poshtë padinë e Komisionit të Letrave me Vlerë dhe Shkëmbime (SEC) ndaj kompanisë Binance, përfaqësuesit e gjigantit global të kriptovalutave e kanë përshkruar këtë si një “moment historik” për industrinë.

Në një deklaratë zyrtare për media, zëdhënësi i Binance u shpreh:

“Hedhja poshtë e padisë së SEC ndaj Binance është një moment historik. Jemi thellësisht mirënjohës për Kryetarin Paul Atkins dhe administratën Trump që e kanë njohur faktin se inovacioni nuk mund të lulëzojë nën një regjim të bazuar në ndëshkim. Amerika është rikthyer — duke udhëhequr në vijën e parë të së ardhmes së blockchain-it.”

Ky vendim shihet si një rikthim i SHBA-së në skenën ndërkombëtare të inovacionit teknologjik, pas një periudhe të gjatë tensioni mes autoriteteve rregullatore dhe kompanive të industrisë së kriptomonedhave.

Ekspertët e industrisë besojnë se ky vendim mund të hapë rrugën për një klimë më të favorshme për zhvillimin e teknologjive të decentralizuara dhe adoptime më të gjera të kriptovalutave në SHBA dhe më gjerë.