Partia Demokratike e Kosovës ka kërkuar dorëheqjen e minstrit të Punëve të Brendshme në detyrë, Xhelal Sveçla pas vdekjes së 27-vjeçarit Agon Zejnullahu në duart e policisë së Kosovës.
Deputeti i kësaj partie, Përparim Gruda nga foltorja e Kuvendit të Kosovës, ku për të 44-tën herë dështoi konstituimi i Kuvendit tha se dorëheqja e Sveçlës duhet të vie si akt moral i përgjegjësisë politike dhe ligjore, shkruan gazeta online Reporteri.net.
“Me këtë rast kërkoj përgjegjësi nga organet e shtetit për zbardhjen deri në fund të të vërtetës së kësaj ngajrjeje tragjike që na ka tronditur të gjithëve. Në emër të PDK-së kërkoj dorëheqjen e ministrit të Punëve të Brendshme si një akt i padiskutueshëm moral i përgjegjësisë politike e ligjore.”, tha ai.
Gruuda në emër të PDK-së i ka shprehur ngushëllime familjes Zejnullahu.
Kryetari i Odës së Mjekëve të Kosovës, Pleurat Sejdiu, ka dhënë detaje për mjeken ndaj së cilës OMK ka nisur hetime në rastin e vdekjes së Agon Zejnullahut.
Ai tha se mjekët kanë të drejtë të japin asnjë të dhënë.
“Konsiderojmë se disa çështje janë në kundërshtim me kodin e etikës profesionale të mjekut”, tha lidhur me Sejdiu.
“Nuk kanë të drejtë të japin asnjë të dhënë rreth gjendjes së tij…. dhe jo lëndime që janë marrë, nuk është vetëm ky rast por edhe raste të tjera sepse janë të ndaluara me Kodin e Etikës profesionale”, tha Sejdiu duke shtuar se mjekëve nuk u lejohet të japin detaje.
“Kush e ka konstatu që ka vdekë?”, pyeti ai gjatë bisedës për vdekjen e Zejnullahut.
“Mjekja është duke u hetuar se sa ka qenë në gjendje të jap ndihmën e parë, nëse ju ka dhënë apo nuk ju ka dhënë ndihma e parë në vendin e ngjarjes, sepse policia nuk ka drejtë ta ndalojë mjeken me dhanë ndihmën e parë”, tha Sejdiu në T7.
Agon Zejnullahut vdiq në orët e para të datës 7 korrik, pas arrestimit nga Policia e Kosovës. Policët që e arrestuan po dyshohen për vrasje nga pakujdesia.
Në video shihet se si policët i hidhen sipër, e madje njëri nga ta ia vendos gjurin mbi qafë. Në këtë moment Zejnullahu i ndalon lëvizjet.
Policët pasi ia vendosin prangat e ngritin të ndjerin ulur në gjunjë, por ai nuk jep shenja jete. I ndjeri lihet në këtë gjendje për disa minuta derisa vjen autoambulanca nga Qendra Kryesore e Mjekësisë Familjare në komunën e Lipjanit.
Mjekja përgjegjëse nuk e kontrollon për shenja vitale dhe as nuk i jep ndihmën e parë. Ajo në një deklarim për media ka thënë se policët i kanë kërkuar një barelë për ta vendosur dhe për ta futur në autoambulancë. I ndjeri vendoset në barelë me duar të lidhura.
Sipas mjekes, vdekjen e të ndjerit e ka konstatuar pasi e kanë hipur në autoambulancë. Sipas saj është tentuar t’i jepet ndihma e parë por nuk ka pasur efekt.
Për këtë rast tanimë janë arrestuar pesë policë. Gjykata Themelore sot ka vendosur masën e paraburgimit për të gjithë: rreshterin Ibrahim Nela dhe zyrtarët policorë Albian Retkoceri, Artidon Konxheli, Liridon Rrahmani dhe Endrit Beqiri.
Policia e Kosovës po përballet me një numër në rritje ankesash për sjellje të pahijshme. Qindra ankesa janë dorëzuar në Inspektoratin Policor vetëm në muajt e parë të këtij viti. Rasti i vdekjes së një 27-vjeçari në Lipjan, gjatë një ndërhyrjeje më 7 korrik, ka ngritur shqetësime serioze për përdorim të tepruar të forcës nga ana e policisë.
Vetëm gjatë gjysmës së parë të këtij viti, në Inspektoratin Policor u dorëzuan qindra ankesa për shkelje disiplinore. Vitin e kaluar, numri i tyre arriti në 1 mijë e 338.
Shumë prej këtyre rasteve kanë të bëjnë me vepra penale si kanosje, lëndim trupor apo sulm fizik.
Policët e përfshirë zakonisht suspendohen, ndonjëherë arrestohen ose transferohen në pozita tjera brenda institucionit. Por, duket se këto masa nuk kanë ndikuar mjaftueshëm, pasi numri I ankesave është rritur vazhdimisht që nga viti 2020, raporton REL.
Më së shumti ankesa janë drejtuar ndaj zyrtarëve të Drejtorisë Rajonale të Prishtinës.
Rasti më i fundit që ka rikthyer vëmendjen te sjellja e policisë, është vdekja e një 27-vjeçari në Lipjan, më 7 korrik. Pesë policë janë arrestuar për vrasje nga pakujdesia, teksa sot u është caktuar masa e paraburgimit prej një muaji.
Oda e Mjekëve të Kosovës ka nisur hetime ndaj mjekes në rastin e Agon Zejnullahut, 27-vjeçarit nga Lipjani që vdiq gjatë arrestimit nga Policia e Kosovës.
Oda e Mjekëve të Kosovës përmes organeve të saj ndjekëse, ka nisur hetimet për dyshimet për mos dhënie të ndihmës së parë nga mjekja e ekipës së Urgjencës së komunës së Lipjanit në rastin e Agon Zejnullahut.
Gazeta Shneta raporton se tashmë është dhënë autorizimi për Prokurorin e OMK-së që të fillojë hetimet. Hetimet do të zhvillohen për dy dyshime, për mos dhënie të ndihmës së parë si dhe për deklarime të paautorizuara.
Lajmin e ka konfirmuar edhe kryetari i OMK-së Dr. Pleurat Sejdiu. Ai ka thënë se rasti është analizuar sot nga organet e Odës dhe është vendosur që të iniciohen të gjitha masat sipas Ligjit dhe kompetencave që i ka kjo organizatë.
Agon Zejnullahut vdiq në orët e para të datës 7 korrik, pas arrestimit nga Policia e Kosovës. Policët që e arrestuan po dyshohen për vrasje nga pakujdesia.
Në video shihet se si policët i hidhen sipër, e madje njëri nga ta ia vendos gjurin mbi qafë. Në këtë moment Zejnullahu i ndalon lëvizjet.
Policët pasi ia vendosin prangat e ngritin të ndjerin ulur në gjunjë, por ai nuk jep shenja jete. I ndjeri lihet në këtë gjendje për disa minuta derisa vjen autoambulanca nga Qendra Kryesore e Mjekësisë Familjare në komunën e Lipjanit.
Mjekja përgjegjëse nuk e kontrollon për shenja vitale dhe as nuk i jep ndihmën e parë. Ajo në një deklarim për media ka thënë se policët i kanë kërkuar një barelë për ta vendosur dhe për ta futur në autoambulancë. I ndjeri vendoset në barelë me duar të lidhura.
Sipas mjekes, vdekjen e të ndjerit e ka konstatuar pasi e kanë hipur në autoambulancë. Sipas saj është tentuar t’i jepet ndihma e parë por nuk ka pasur efekt.
Për këtë rast tanimë janë arrestuar pesë policë. Gjykata Themelore sot ka vendosur masën e paraburgimit për të gjithë: rreshterin Ibrahim Nela dhe zyrtarët policorë Albian Retkoceri, Artidon Konxheli, Liridon Rrahmani dhe Endrit Beqiri.
Pesë policët e dyshuar për vrasje nga pakujdesia të 27-vjeçarit në Lipjan, Agon Zejnullahut, janë dërguar për në paraburgim.
Gazeta Online Reporteri.net ka ndjekur sot nga afër momentin kur policët e dyshuar janë dërguar për në Gjykatë, ku iu caktua masa e paraburgimit prej një muaji, si dhe kur ata janë nxjerrë nga gjykata për t’u dërguar për në paraburgim.
Në pamje shihen të njëjtit të prangosur duke u futur nëpër vetura nga zyrtarët e Inspektoratit Policor të Kosovës.
Caktimin e paraburgimit ndaj tyre e ka konfirmuar për Reporteri.net, zëdhënësja e Gjykatës Mirlinda Gashi.
Agon Zejnullahu vdiq me pranga në duar në orët e para të së hënës në rrugën “Haradin Bajrami” në Lipjan. Zyrtarët policorë, që u prangosën vetë në mbrëmje, u tha se kishin intervenuar për ta neutralizuar Agon Zejnullahun pasi ai “dyshohej të ishte nën ndikimin e alkoolit, po sulmonte automjete dhe kalimtarë”, sipas Policisë.
Një rreshter dhe katër zyrtarë të tjerë policorë të përfshirë në këtë rast u arrestuan të hënën nga Inspektorati Policor i Kosovës, ndërsa rasti u cilësua si “vrasje nga pakujdesia”.
Prokuroria Themelore në Prishtinë më 8 korrik 2025 paraqitur kërkesë në Gjykatën Themelore në Prishtinë- Dega në Lipjan, për caktimin e masës së paraburgimit ndaj rreshterit Ibrahim Nela dhe zyrtarëve policorë: Albian Retkoceri, Artidon Konxheli, Liridon Rrahmani dhe Endrit Beqiri, të cilët dyshohen për vrasje nga pakujdesia të qytetarit Agon Zejnullahu në Lipjan. Ndaj pesë të dyshuarve, Gjykata në Lipjan ka caktuar masën e paraburgimit.
Sipas Dosjes së Prokurorisë që “Betimi për Drejtësi” e ka pubkikuar thuhet se më 7 korrik 2025, rreth orës 00:10 në rrugën “Hajredin Bajrami” në Lipjan, të pandehurit duke vepruar nga pakujdesia, në bashkëkryerje privojnë nga jeta nga pakujdesia tani të ndjerin Agon Zejnullahu.
Aty thuhet se pasi kishin pranuar informacionin se një qytetar është duke bërë veprime të pakontrolluara, e po ashtu është duke sulmuar kalimtarët e rastit dhe veturat në lëvizje, zyrtarët policorë e hasin tani të ndjerin Agon Zejnullahu.
Sipas kërkesës, tani i ndjeri Zejnullahu, pasi që i vëren zyrtarët policorë, duke vrapuar afrohet tek vetura e Policisë e cila ishte në lëvizje dhe në një moment i njëjti rrëzohet për toke, ndërsa vetura e Policisë vazhdon lëvizjen përreth 20 metra dhe parkohet.
Prokuroria thotë se tani i ndjeri Zejnullahu, ngritet në këmbë duke pasur ekuilibër të çrregullt dhe vrapon në drejtim të zyrtarit policor Albian Retkoceri, ku i njëjti përdor sprejin lotsjellës ndaj qytetarit, i cili më pas futet në ulësen e shoferit në veturën “VW Golf 7”, e cila ishte e ndaluar në vend të ngjarjes.
Gjithnjë sipas Prokurorisë, në vendin e ngjarjes kanë prezantuar edhe të dyshuarit- zyrtarët policorë Artidon Konxheli dhe Liridon Rrahmani, të cilët kishin qenë në detyrë zyrtare si dhe i dyshuari zyrtari policor Endrit Begiri, i cili kishte qenë jashtë detyrës zyrtare dhe kalimtar i rastit.
Prokuroria përshkruan se tani i ndjeri Agon Zejnullahu, në disa momente tenton të dalë nga vetura, mirëpo e qetëson qytetari G.B (vozitësi i veturës Golf 7), mirëpo në një moment i njëjti arrin ta hapë derën e veturës dhe del nga vetura duke tentuar t’iu shmanget zyrtarëve policorë.
Sipas dosjes se Prokurorisë, aty ndërhynë rreshteri Ibrahim Nela, i cili e kapë tani të ndjerin nga krahu i majtë dhe i njëjti rrëzohet në tokë, e që dyshohet se bie me kokë nga ana e majtë.
Pas kësaj, thuhet se zyrtarët policorë intervenojnë duke tentuar ta prangosin dhe vendosen mbi trupin e tij, ku rreshteri qëndron në anën e majtë tek këmbët e tij.
“Ku me duar i mban këmbët, po ashtu në anën e majtë të qytetarit në afërsi të regjionit të shpinës ndodhet zyrtari policor Liridon Rahmani i cili kishte veshur jelekun reflektues dhe së bashku me zyrtarin policor Albian Retkoceri, që ndodhej në anën e djathtë të qytetarit kishin kapur dorën e majtë të tij duke tentuar t’i vendosin prangat”, thuhet në kërkesë.
Tutje, thuhet se zyrtari policor Artidon Konxheli, kishte vendosur gjurin e tij në regjionin e shpinës në afërsi të qafës së tani të ndjerit, ndërsa dorën i kishte vendosur tek koka e tij. Kurse, thuhet se zyrtari policor Endrit Beqiri, i asiston kolegëve të tij duke e kapur dorën e djathtë të tani të ndjerit për ta kthyer në pozicionin e prangosjes.
Për të mundësuar këtë, sipas Prokurorisë, zyrtarët Artidoni dhe Endriti ndërrojnë vendet, ku Artioni përsëri vendoset në pozitën para trupit të tani të ndjerit dhe vendos gjurin e majtë të tij në regjionin e shpinës në afërsi të qafës, ndërsa dorën e djathtë e vendosë në regjionin e kokës, ku dyshohet se nga pakujdesia e tyre, tashmë i ndjeri Agon Zejnullahu kishte ndërruar jetë gjatë arrestimit.
Me këtë, dyshohen se kanë kryer veprën penale “Vrasje nga pakujdesia” nga neni 175 të Kodit Penal.
27-vjeçari Agon Zejnullahu vdiq në orët e para të 7 korrikut në Lipjan, pasi u arrestua nga policia nën dyshimin se në gjendje të dehur po sulmonte automjete e kalimtarë. Lidhur me rastin, pesë zyrtarë policorë janë ndaluar për 48 orë nën dyshimin për “Vrasje nga pakujdesia”, ndërkaq Inspektorati Policor i Kosovës ka rekomanduar suspendimin e tyre.
Gjykata Themelore në Prishtinë ka aprovuar kërkesën e prokurorisë për caktimin e masës së paraburgimit prej një muaj për pesë policët e dyshuar për “vrasjen nga pakujdesia” të 27-vjeçarit nga Lipjani, Agon Zejnullahu.
Lajmin për gazetën online Reporteri.net e ka konfirmuar zëdhënësja e kësaj gjykate, Mirlinda Gashi.
Më herët ka përfunduar seanca dëgjimore për pesë zyrtarët e Policisë së Kosovës që dyshohen për “vrasje nga pakujdesia” të 27-vjeçarit nga Lipjani, Agon Zejnullahu, të cilët sot janë paraqitur në mëngjes para Gjykatës Themelore të Prishtinës, dega në Lipjan.
Agon Zejnullahu vdiq me pranga në duar në orët e para të së hënës në rrugën “Haradin Bajrami” në Lipjan. Zyrtarët policorë, që u prangosën vetë në mbrëmje, u tha se kishin intervenuar për ta neutralizuar Agon Zejnullahun pasi ai “dyshohej të ishte nën ndikimin e alkoolit, po sulmonte automjete dhe kalimtarë”, sipas Policisë.
Një rreshter dhe katër zyrtarë të tjerë policorë të përfshirë në këtë rast u arrestuan të hënën nga Inspektorati Policor i Kosovës, ndërsa rasti u cilësua si “vrasje nga pakujdesia”.
Instituti për Mjekësi Ligjore ka njoftuar se Laboratori i Toksikologjisë është jashtë funksionit për shkak të procesit të renovimit në të gjitha hapësirat e brendshme të objektit të IML-së, shkruan Gazeta Online Reporteri.net.
Si pasojë, një numër i mostrave janë dërguar dhe do të dërgohen për analizim toksikologjik në vendet e rajonit dhe Evropës, përfshirë edhe ato të Agon Zejnullahut.
Në njoftim thuhet se pas përfundimit të renovimit në muajin shtator, do të bëhet servisimi dhe kalibrimi i pajisjeve dhe aparaturave laboratorike, në mënyrë që të sigurohet analizimi i mostrave sipas standardeve të kerkuara.
“Pas pyetjeve dhe kërkesave të shumta që kanë ardhur në adresë të Institutit për Mjekësinë Ligjore (IML) në lidhje me Laboratorin e Toksikologjisë, ju njoftojmë se Laboratori i Toksikologjisë në IML është jashtë funksionit për shkak të procesit të renovimit në te gjitha hapësirat e brendshme të objektit të IML-së, përfshirë dhe hapësiren e Laboratoreve.
Menjëhere pas përfundimit të këtij procesi në shtator, do të bëhet servisimi dhe kalibrimi i pajisjeve dhe aparaturave laboratorike, në mënyrë që të sigurohet analizimi i mostrave sipas standardeve të kerkuara”, thuhet në njoftim.
Tutje IML thotë se për shkak të natyrës së ndjeshme të pajisjeve, zhvendosja e tyre në hapësirë tjetër ka qenë e pamundur, dhe se një numër i mostrave janë dërguar dhe do të dërgohen për analizim toksikologjik në vendet e rajonit dhe Evropës.
“Duke marrë parasysh natyrën jashtëzakonisht të ndjeshme të pajisjeve, si dhe kompleksitetin teknik të sistemit të gazrave i cili përdoret në këtë laborator, zhvendosja e tyre në një hapësirë tjetër gjatë kësaj periudhe ka qenë e pamundur. Gjithsesi, gjatë kësaj periudhe kohore të mosfunksionimit të laboratorit, me urdhëresë të prokurorëve përkatës, një numër i caktuar i mostrave janë dërguar dhe do të dërgohen për analizim toksikologjik në vendet e rajonit dhe Evropës”, thuhet në njoftimin e IML-së.
/Reporteri.net/
Avokati i njërit prej policëve, Besnik Berisha, ka thënë se i vetmi argument për caktimin e paraburgimit është acarimi i raporteve mes të dyshuarve dhe familjarëve të Agon Zejnullahut.
“Argumenti i vetëm i Prokurorisë për caktimin e masës se paraburgimit është se familja janë shumë të acaruar dhe në rast të mbrojtjes në liri mund të ketë ndonjë incident tjetër mes familjes dhe policëve. Ky argument nuk vlen dhe duhet pritur raportin e IML-së për të kuptuar shkaktarët e vdekjes së 27-vjeçarit”, ka thënë ai para mediave.
Ai shtoi se vlerësimi i gjendjes shëndetësore nuk është përgjegjësi e policisë, duke lënë të kuptohet se ndërhyrja e tyre ka qenë brenda kompetencave të detyrës zyrtare. Tutje ai ka thënë se mjekësia s’ka folur ende për shkakun e vdekjes e as për “substancat në organizmin e tani të ndjerit”.
“Mjekësia nuk ka folur dhe nuk dihet shkaku i vdekjes, as nuk dihen substancat në organizmin e tani të ndjerit. Keqardhje pa fund për një jetë të humbur, por që zyrtarët policorë nuk janë as fajtorë, as nuk e meritojnë të jenë në pritje të një dënimi. Vepruan ashtu siç janë të trajnuar sipas udhëzimeve dhe u dolën në ndihmë qytetarëve të Lipjanit.
Fakti që dikush ka humbur jetë, ndodh gjithkund. Sot u kërkua masa e paraburgimit sepse raportet janë të acaruara. Veprimet e tani të ndjerit kanë qenë të dhunshme. I pari që ka telefonuar për ndihmë ka qenë prokuror. Nëse prokuroria nuk i beson prokurorit, atëherë kemi problem me sistemin”, tha Berisha para mediave.
Gjykata ende nuk ka njoftuar për caktimin e masës së paraburgimit ndaj të dyshuarve.
Sekretarja e Përgjithshme e PDK-së, Vlora Çitaku, i është drejtuar kryeministrit në detyrë Albin Kurtit duke i thënë se janë duke kërkuar hetim profesional ndaj pesë zyrtarëve policorë që dyshohen për vrasjen e Agon Zejnullahut.
Çitaku ka theksuar se PDK kur ishte në qeveri e kishte respektuar Policinë e Kosovës.
“Jo Albin, për dallim prej teje, ne e kemi respektuar Policinë e Kosovës gjithmonë, si në qeveri ashtu edhe në opozitë. Ne i respektojmë institucionet pa kushte dhe pa kalkulime politike. Ti je ai që dikur ke hedhur gurë e mllef mbi policinë. Sot, ne nuk po kërkojmë asgjë më shumë përveç hetim profesional për rastin, dhe përgjegjësisë politike”.
“Sa për respektin ndaj policisë, sikur ta kishe me të vërtetë, nuk do t’i lije pa këpucë e pa uniforma. Do t’ua kishe rritur pagat. Dhe mbi të gjitha, nuk do t’ua kishe shkurtuar trajnimet në vetëm tre muaj”, u shpreh Çitaku.
Pesë zyrtarë të Policisë së Kosovës u paraqitën sot para Gjykatës Themelore të Prishtinës, dega në Lipjan. Ata dyshohet se e kanë vrarë “nga pakujdesia” një 27-vjeçar më 7 korrik pas mesnate në qendër të qytetit.
Emrat e të arrestuarve janë Ibrahim Nela, rreshter në Stacionin Policor Lipjan, Liridon Rrahmani, Artidon Konxheli dhe Albian Raktoceri, zyrtarë policorë të stacionin në Lipjan, si dhe Endrit Beqiri, zyrtar në stacionin policor Ferizaj.
Gjyqtari i procedurës paraprake pritet të vendosë për kërkesën e Prokurorit të Shtetit, nëse do t’i çojë në paraburgim zyrtarët policorë, apo do t’ua caktojë një masë alternative.
Në seancë, nuk u lejua të merrte pjesë avokati i familjes e as mediat.
Fotografitë e disa prej policëve të prangosur tashmë janë publikuar.
Një rreshter dhe katër zyrtarë policorë, të dyshuar për vrasjen e 27-vjeçarit Agon Zejnullahu në natën mes 6 dhe 7 korrikut, kanë dalë para Gjykatës Themelore të Prishtinës, dega në Lipjan.
Seanca dëgjimore tashmë ka përfunduar dhe Gjykata pritet të marrë vendim rreth kërkesës së Prokurorisë për paraburgim, shkruan gazeta online Reporteri.net.
Rasti që ndodhi në orët e para të 7 korrikut në Lipjan ka ngjallur reagime të shumta në vend dhe thirrje për transparencë, përgjegjësi institucionale dhe hetim të pavarur.
Pesë zyrtarët policorë janë ndaluar për 48 orë nën dyshimin për “Vrasje nga pakujdesia”, ndërkaq Inspektorati Policor i Kosovës ka rekomanduar suspendimin e tyre.
Prokuroria Themelore e Prishtinës ka kërkuar caktimin e masës së paraburgimit ndaj pesë policëve të dyshuar. /Reporteri.net/
Një rreshter dhe katër zyrtarë policorë, të dyshuar për vrasjen e 27-vjeçarit Agon Zejnullahu në natën mes 6 dhe 7 korrikut, kanë dalë para Gjykatës Themelore e Prishtinës, dega në Lipjan.
Seanca dëgjimore është duke vazhduar ende, shkruan gazeta online Reporteri.net.
Rasti që ndodhi në orët e para të 7 korrikut në Lipjan ka ngjallur reagime të shumta në vend dhe thirrje për transparencë, përgjegjësi institucionale dhe hetim të pavarur.
Pesë zyrtarët policorë janë ndaluar për 48 orë nën dyshimin për “Vrasje nga pakujdesia”, ndërkaq Inspektorati Policor i Kosovës ka rekomanduar suspendimin e tyre.
Prokuroria Themelore e Prishtinës ka kërkuar caktimin e masës së paraburgimit ndaj pesë policëve të dyshuar.
/Reporteri.net/
Deputetja e PDK-së, Ganimete Musliu ka thënë se sot do të duhej të thirreshin në përgjegjësi komplet zingjiri komandues policor për rastin e vdekjes së 27 vjeçarit në Lipjan.
Musliu tha para mediave se kriteret për të qenë pjesë e Policisë së Kosovës kanë rënë “përtokë” dhe tani aty hyn kushdo që mundet, pa trajnimet e nevojshme.
2Sjellja ishte e papranueshme, ishte një pamje që unë ende nuk jam qetësu qe tri ditë që e kam pa, mirëpo këtu nuk është vetëm një faktor që ndikon, por ka shumë faktorë. E kam thënë që ka hupë morali dhe karakteri i policëve dhe ushtarëve në Kosovë. Sot kriteret janë përtokë hyn kushdo në polici, pak kry naj trajnim adekuat e test të madh psikologji. Sot është dashur me u thirrë në përgjegjësi komplet zgjiri komandues policor sepse ky nuk është rasti i vetëm. Sjellja e policisë ka degradu dhe mu më vjen keq sepse kemi shumë djem e vajza të mira në polici”, ka thënë Musliu para mediave. /Reporteri.net/
Kryetari i NISMA’s Socialdemokrate, Fatmir Limaj ka folur për vdekjen në duart e Policisë së Kosovës të 27-vjeçarit, Agon Zejnullahu të hënën në Lipjan.
Limaj tha se drejtuesit e Policisë duhet të japin përgjegjësi dhe se ngjarja të hetohet.
“Është një rast që nuk ka qenë dashtë të ndodhë kurrë në Kosovë. Policia e shtetit është për t’i mbrojtur qytetarët. Dallimi në mes të policit të shtetit dhe atij që është në shkelje të ligjit është ky: Polici i shtetit edhe ndaj atij që është në shkelje të ligjit, duhet të veprojë me ligj. Natyrisht që duhet të merret përgjegjësi. Unë pres përgjegjësi nga lart-poshtë. Ndoshta është një moment që duhet të shikohet gjendja në Polici. Ka plot djem e vajza që na nderojnë, ama kjo nuk na ndalon të themi se ka plotë elemente, individë brenda Policisë që duhet të rishikohen mirë a janë për atë vend. Ngjarja ka ndodhur në duart e njerëzve të shtetit dhe kjo duhet të trajtohet.”, tha ai.
Rrjeti i organizatave joqeveritare AVONET, ka realizuar një aksion simbolik te Dega e Gjykatës Themelore të Prishtinës në Lipjan, për rastin e vdekjes së 27 vjeçarit Agon Zejnullahu.
“Pa drejtësi s’ka qetësi”, shkruan në afishet e vendosura në dyert e kësaj gjykate.
Me anë të këtij aksioni, po kërkohet drejtësia në këtë rast i cili ka ngjallur reagime të ashpra.
Derisa sot, në këtë gjykatë po mbahet edhe seanca ndaj pesë policëve të dyshuar për “Vrasje nga pakujdesia”
Deputetja e PDK-së, Blerta Deliu-Kodra para vazhdimit të seancës konstituive në Kuvend, ka folur edhe për rastin e 27-vjeçarit në Lipjan, gjë për të cilën ajo tha se Prokuropria dhe institucionet tjera përkatëse duhet të marrin masa, shkruan Reporteri.net.
Ajo tha se situata e sigurisë në Kosovë duhet të trajtohet me seriozitet dhe ajo çfarë ka ndodhur është një akt shumë i rëndë.
“Të zbardhen detajet e rastit. Situata e sigurisë në Kosovë duhet të trajtohet me seriozitet të plotë. Është akt shumë i rëndë, dhe institucionet përgjegjëse kanë ngelur dy ditë në heshtje. Përgjegjësit duhet të ofrojnë përgjegjësi”
“Prokuroria besoj që së shpejti do t’i japë informatat. Policia e Kosovës për vite të tëra ka qenë institucion me besueshmërinë më të lartë, pavarësisht kësaj besoj që në PK ka djem e vajza që me përgjegjësi e kryejnë punën e tyre. Përgjegjësia duhet të jetë individuale dhe përgjegjësit në secilin rast duhet të marrin përgjegjësi që të mos kemi rënie të besueshmërisë”, shtoi deputetja e PDK-së.
/Reporteri.net/
Kanë arritur në Gjykatë pesë policët e arrestuar të cilët dyshohen për vrasje nga pakujdesia të 27-vjeçarit Agon Zejnullahu në Lipjan.
Gazetarët që ndodhen për të raportuar për rastin po lihen jashtë rrethojave të objektit të Gjykatës Themelore – dega në Lipjan, ku pritet të mbahet seanca dëgjimore ndaj pesë të akuzuarve shkruan gazeta online Reporteri.net.
Aty nuk po u lejohet të vazhdojnë tutje, ndërsa aty janë duke u larguar edhe veturat.
Pak më parë edhe avokati i familjes së Agon Zejnullahut, Asdren Hoxha ka thënë se nuk i është lejuar pjesëmarrja në seancën dëgjimore ndaj pesë policëve të përfshirë në rastin e vdekjes së 27-vjeçarit në Lipjan.
“Gjyqtarja e procedurës paraprake çuditërisht me refuzoi me marrë pjesë në seancë dhe me mbet i informuar si përfaqësues i palës së dëmtuar. Insistova disa herë, por çasje ishte e tillë që nuk duhet me marrë pjesë. Kodi i procedurës penale e parasheh nenin 63, të drejtat e të dëmtuarit, dhe nenin 64.
“U refuzuam dhe kjo është për keqardhje”, tha ai.
Kryeministri në detyrë, Albin Kurti i ka shprehur ngushëllime familjes së Agon Zejnullahut që vdiq në duart e Policisë së Kosovës të hënën në Lipjan. Ai ka kërkuar hetim profesional nga institucionet.
Ai ka kërkuar hetim të shpejtë e të thellë në mënyrë që të zbardhet e vërteta e plotë, shkruan gazeta online Reporteri.net.
“Lajmi për vdekjen e tij na ka tronditur të gjithëve. Shumëçka prej asaj që ka ndodhur në mesnatën e 7 korrikut tashmë është publike dhe falë incizimeve të dëshmitarëve por për të kuptuar gjithçka çfarë ka ndodhur duhet hetim profesional nga institucionet. Për këtë bashkëpunimi ndërmjet Policisë së Kosovës, IPK-së, IML-së dhe Prokurorisë është thelbësor. Pesë zyrtarë policor tanimë janë në paraburgim. Unë kërkoj dhe pres hetim të thellë e sa më të shpejtë, që zbardhë të vërtetën e plotë dhe i bënë të njohura të gjitha rrethanat ashtu që të vendoset drejtësia dhe të arrihet llogaridhënia.”, u shpreh ai.
Kurti tha se në institucionet e Kosovë nuk ka vend për ata që shkelin ligjin gjatë detyrës zyrtare.
“Dua ta bëjë të qartë se nuk do të ketë strehë në institucione apo nga institucionet për këdo që mund të ketë kaluar kompetencat apo të ketë shkelur ligjin gjatë detyrës zyrtare. Shërbimi në uniformë është fisnikëri, autoriteti i veshur me uniform është përgjegjësi. Diskutimet publike që po bëhen dhe gjykimet publike që po bëhen janë të vështira për familjen Zejnullahu. Në të njëjtën kohë tendenca që të nis një antufushatë ndaj policisë është e dëmshme dhe nuk është zgjidhje. Thirrjet për drejtësi dhe përgjegjësi janë të drejta.”, tha Kurti.
Avokati i familjes së Agon Zejzullahut, Asdren Hoxha ka thënë se nuk i është lejuar pjesëmarrja në seancën dëgjimore ndaj pesë policëve të përfshirë në rastin e vdekjes së 27-vjeçarit në Lipjan, shkruan Reporteri.net.
“Gjyqtarja e procedurës paraprake çuditërisht me refuzoi me marrë pjesë në seancë dhe me mbet i informuar si përfaqësues i palës së dëmtuar. Insistova disa herë, por çasje ishte e tillë që nuk duhet me marrë pjesë. Kodi i procedurës penale e parasheh nenin 63, të drejtat e të dëmtuarit, dhe nenin 64.
“U refuzuam dhe kjo është për keqardhje”, shtoi tutje ai.
/Reporteri.net/
Një rreshter dhe katër zyrtarë policorë, të dyshuar për vrasjen e 27-vjeçarit Agon Zejnullahu në natën mes 6 dhe 7 korrikut, kanë mbërritur në gjykatën në Lipjan.
Rasti që ndodhi në orët e para të 7 korrikut në Lipjan ka ngjallur reagime të shumta në vend dhe thirrje për transparencë, përgjegjësi institucionale dhe hetim të pavarur.
Pesë zyrtarët policorë janë ndaluar për 48 orë nën dyshimin për “Vrasje nga pakujdesia”, ndërkaq Inspektorati Policor i Kosovës ka rekomanduar suspendimin e tyre.
Prokuroria Themelore e Prishtinës ka kërkuar caktimin e masës së paraburgimit ndaj pesë policëve të dyshuar. /Reporteri.net/
Në Gjykatën Themelore në Prishtinë – Dega në Lipjan, sot pritet të mbahet seanca dëgjimore për caktimin e masës së sigurisë ndaj pesë zyrtarëve policorë të cilët gjenden nën masën e ndalimit si të dyshuar për “Vrasje nga pakujdesia” të të riut Agon Zejnullahu në Lipjan, shkruan gazeta online Reporteri.net.
Avokati i familjes Zejnullahu, Asdren Hoxha, ka thënë mbrëmë se seanca do të mbahet në ora 10:30, në degën e Gjykatës në Lipjan.
Rasti që ndodhi në orët e para të 7 korrikut në Lipjan ka ngjallur reagime të shumta në vend dhe thirrje për transparencë, përgjegjësi institucionale dhe hetim të pavarur.
Policia tha se i ndjeri, i cili u identifikua më vonë si Agon Zejnullahu, dyshohet se ishte nën ndikimin e alkoolit dhe duke sulmuar automjete e kalimtarë, kur u ndalua nga autoritetet e rendit.
Lidhur me rastin, pesë zyrtarë policorë janë ndaluar për 48 orë nën dyshimin për “Vrasje nga pakujdesia”, ndërkaq Inspektorati Policor i Kosovës ka rekomanduar suspendimin e tyre.
Prokuroria Themelore e Prishtinës ka kërkuar caktimin e masës së paraburgimit ndaj pesë policëve të dyshuar.
Avokati i Popullit ka njoftuar se ka nisur hetimet për të vlerësuar nëse ka pasur shkelje të të drejtave të njeriut në këtë rast.
Agon Zejnullahu, vëllai i të ndjerit ka thënë mbrëmë se viktima kishte shenja dhune me mbi 20 plagë në trup.
“Mbi 20 plagë mbi trupin e tij, te brinjët ka qenë i mavijosur, ka pasur lëndim të theksuar në ballë, vetullën e çarë, te këmbët komplet të lënduara, te krahët mishi jashtë ka qenë, në çdo pjesë të trupit ka pasur lëndime”, tha vëllai i 27-vjeçarit./Reporteri.net/
Janë publikuar pamje të tjera të momentit kur Agon Zejnullahu del nga vetura me duar pas kokës, ndërsa policët i gjuhën sipër.
27-vjeçari vdiq të hënën në Lipjan, pasi është ndaluar nga zyrtarët policorë.
Pamjet e reja janë publikuar nga faqja në Facebook “Lipjan City”.
Në Gjykatën Themelore në Prishtinë- Dega në Lipjan, nesër pritet të mbahet seanca dëgjimore për caktimin e masës së sigurisë ndaj pesë zyrtarëve policorë të cilët gjenden nën masën e ndalimit si të dyshuar për “Vrasje nga pakujdesia” të të riut Agon Zejnullahu në Lipjan.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
