Policia shqiptare ka ndaluar 15 klandestinë të ikur nga zonat e luftës që destinacion kishin Kosovën.

Siç njoftohet nga Policia e Kukësit, të ndaluarit kishin shtetësi kurde dhe siriane, shkruan lajmi.net.

Ata u kapën tek Ura e Drinit të Zi mbrëmjen e djeshme, teksa në mesin e tyre janë katër gra e fëmijë.

Aktualisht ata janë duke u marrë në pyetje nga Policia e Kosovës.

Kujtojmë, se Kosova kishte kthyer nga zonat e luftës 110 kosovarë, ish-pjesëtarë të ISIS-it dhe gra e fëmijë që kishin shkuar atje pa dëshirën e tyre.

Madje për disa nga të cilët janë siguruar prova të mjaftueshme, prokuroria ka ngritur edhe aktakuzë.