Policia e Kosovës ka ndalur 21 persona, të cilët nuk respektuan masat e marra nga Qeveria e Kosovës gjatë pandemisë.

9 raste janë raportuar në kryeqytet, derisa në Gjilan, është ndaluar vetëm 1 person.

Siç njofton Policia e Kosovës përmes raportit 24 orësh, 7 persona janë ndaluar në Prizren, 1 në Pejë, 2 në Mitrovicën e Jugut dhe një te Departamenti i Kufirit.

Masat që janë ndërmarrë kundër tyre, nuk janë sqaruar.

Në Kosovë, më 4 maj ka nisur faza e parë e lehtësimit të masave të izolimit kundër koronavirusit.

Orari i lëvizjes së qytetarëve është rritur nga një orë e gjysmë në ditë, në tri orë, ndërsa disa biznese janë lejuar të rihapen.