Festa e 28 Nëntorit do t’i bashkojë të rinjtë nga të gjitha trojet shqiptare në Vlorë.

Në një organizim të përbashkët, të rinjtë nga Shqipëria, Kosova, Mali i Zi, Maqedonia Veriore, Çamëria dhe Presheva do të mbajnë një konferencë me temën ‘Sfidat e të rinjve shqiptare dhe roli i tyre në vendimmarrje’ në qytetin e Vlorës.

Kryetari ne organizatës joqeveritare “Kuvendi i të rinjve të Kosovës”, Kastriot Luma ka bërë ditur përmes një postimi në Facebook organizimin që do të mbahet në Vlorë, shkruan Reporteri.net.

Postimi i tij:

Shqipëri – Kosovë – Shqiptarë të Malit të Zi – Shqiptarë të Maqedonisë – Shqiptarë të Çamërisë, Preshevës: do jemi të gjithë bashkë në Vlorën e flamurit.

Kuvendi i të Rinjve të Kosovës në bashkëpunim me Shërbimin Kombëtar për Rininë, për herë të parë do bëjnë bashkë gjithë Shqiptarinë nën një flamur e një festë;

Do mblidhemi në një kuvendim rinor, 107 vite pas shpalljes së pavarësisë së Shqipërisë; dhe do përçojmë me një zë të përbashkët energjitë tona rinore.