Një 30-vjeçar ka mbetur sot i vdekur në ;agjen “Pejton” të Prishtinës, si pasojë e rrëzimit të një lisi. Ai ka qenë familjar i deputetit të Lëvizjes Vetëvendosje, Fitim Haziri, shkruan Gazeta Online Reporteri.net.

Lajmin e ka bërë të ditur vetë deputeti në Facebook, derisa ka publikuar një foto të 30-vjeçarit.

“I rëndë ishte lajmi kur dëgjuam se një i ri humbi jetën sot tragjikisht në Prishtinë. Dhimbja na u shtua kur kuptuam se ishe ti kusha jem, Erdin. Në këtë dhimbje të madhe, ajo çka mund të themi është; “të Allahut jemi dhe te Ai do të kthehemi”.  Zoti na bashkoftë në Xhennet me ty i dashuri Erdin!”, ka shkruar Haziri.

Ndryshe, një person rreth 30-vjeç ka vdekur si pasojë e lisit së rrëzuar nga erëra e fuqishme në lagjen “Pejton” të Prishtinës.

I riu është nga Komuna e Podujevës. Viktima, E. H. u raportua se është goditur nga pema në kokë dhe ka ndërruar jetë në vendin e ngjarjes.

Në anën tjetër, një grua ka marrë lëndime trupore nga i njëjti rast, por fatmirësisht raportohet se është jashtë rrezikut për jetë.

Postimi i plotë:

I rëndë ishte lajmi kur dëgjuam se një i ri humbi jetën sot tragjikisht në Prishtinë. Dhimbja na u shtua kur kuptuam se ishe ti kusha jem, Erdin.

Në këtë dhimbje të madhe, ajo çka mund të themi është; “të Allahut jemi dhe te Ai do të kthehemi”.

Zoti na bashkoftë në Xhennet me ty i dashuri Erdin!

30-vjeçari që e mbyti lisi në Prishtinë është nga Podujeva

Pamje katastrofe në qendër të Prishtinës, bien lisa dhe shtylla – një i vdekur dhe një e lënduar