Policia e Kosovës ka dhënë detaje për zjarrin që shpërtheu sot në Pallatin e Rinisë në Prishtinë.

Sipas Policisë nga ky incident, ku dyshohet se ka shpërthyer një kabllo elektrike, ka mbetur i lënduar një person.

“Në vendin e ngjarjes kane dalë njësitet policore, zjarrfikësit dhe ekipi i urgjencës. Sipas informatave te deritashme, një person raportohet të ketë pranuar tretman mjekësor”.

Ndërkaq, nga KEDS kanë konfirmuar se kabllot nuk janë të kompanisë por janë kabllo të brendshme.