838 pacientë me COVID-19 nën oksigjenoterapi në spitalet e Kosovës

Pas shtimit të numrit të infektimeve dhe rritjes së numrit të vdekjeve në ditët e fundit nga COVID-19, tani ka filluar të ulet numri i të infektuarve.


Në raportin 24-orësh të Shërbimi Spitalor Klinik dhe Universitar të Kosovës, thuhet se ka pasur më shumë lirime të pacientëve nga spitali krahasuar me numrin e pranimeve.

Reklamë

“Në QKUK ka pasur 25 pranime të pacientëve, kundrejt 40 lirimeve të tjera që janë bërë nga ana e mjekëve. Në spitalet e përgjithshme ka pasur 51 pranime, kurse 56 lirime të pacientëve, thuhet ne njoftim”, transmeton lajmi.net.

Po ashtu në QKUK trajtim mjekësor për COVID-19 po marrin 1002 pacient, prej tyre 887 Covid-19 pozitivë, 838 me oksigjeno-terapi dhe 65 në kujdes intensiv, në gjendje të rënduar shëndetësore.