Abdixhiku në takim me Ruppersberger, kërkon shndërrimin e Bondsteel në bazë të përhershme ushtarake

Gjatë qëndrimit në Shtetet e Bashkuara të Amerikës, kryetari i Lidhjes Demokratike të Kosovës, Lumir Abdixhiku, ka takuar edhe kongresmenin demokrat, Dutch Ruppersberger.

Abdixhiku mes tjerash ka thënë se “shndërrimi i bazës amerikane të Bondsteel-it në bazë ushtarake të përhershme ishte temë e përbashkët e diskutimit tonë.”

Tutje Abdixhiku ka deklaruar se kongresmeni Ruppersberg ka përkushtim të madh për rrugëtimin e Kosovës drejt familjes euroatlantike.

“Në Kongres u prita dhe nga Kongresmeni Demokrat Dutch Ruppersberger. E urova për rizgjedhjen në mandatin e ri Përvoja e tij disadekadëshe në politikën amerikane është vlerë e jashtëzakonshme. Roli i tij në administratën e tanishme dhe simpatia e përhershme për Republikën e Kosovës është mundësi e madhe për ne. Shndërrimi i bazës amerikane të Bondsteel-it në bazë ushtarake të përhershme ishte temë e përbashkët e diskutimit tonë. Kongresmeni Ruppersberg ka përkushtim të madh për rrugëtimin e Kosovës drejt familjes euroatlantike. Kontributi i tij në këtë drejtim do të jetë jetik për të ardhmen e sigurisë së popullit tonë. Kongresmenin Dutch Rulpersberger e ftova dhe për vizitë në Kosovë”, ka shkruar Abdixhiku në Facebook.

Postimi i plotë: