Agon Maliqi për Kurtin: Moralizuesi që ua përgjysmoi rrogat prokurorëve e gjyqtarëve, kerkon mos me vra mes veti se gëzohet armiku

Agon Maliqi, politolog

Njohësi i çështjeve politike, Agon Maliqi, i është drejtuar kryeministrit Kurti, pas postimit skandaloz të këtij të fundit për vrasjen në QKUK.

Reagimin e Kurtit, Maliqi po e konsideron ironik, shkruan gazeta online Reporteri.net.

Moralizuesi që ua përgjysmoi rrogat prokurorëve e gjyqtarëve, tha Maliqi, po kërkon mos me pasë vrasje mes njerëzve me pretekstin se gëzohet armiku.

“Kultura e burrnisë toksike që i ka të shtrira këmbët në çdo pore të shoqërisë dhe në çdo institucion mbetet e verbër ndaj përgjegjësisë që e ka për dehumanizimin e grave dhe misogjininë që po e prodhon këtë varrezë masive. Ndërsa prijësit e dashur moralizues që ua përgjysmojnë rrogat prokurorëve dhe gjykatësve, na kërkojnë mos me u vra mes veti sepse mes tjerash gëzohet armiku”, shkroi Agon Maliqi në Facebook.

Postimi i tij:

Në reagimin e tij, kryeministri Kurti, gjeti mënyrën që edhe një rast tragjik si ky i mbrëmjes së të mërkurës, ta lidhte me “armiq”.

“Dy qytetarë të Kosovës më pak, dy shqiptarë më pak, do të jenë duke menduar armiqtë tanë”, shkroi ai. /Reporteri.net/.

Kurti për vrasjen e 35-vjeçares shtatzënë: Dy shqiptarë më pak, do të jenë duke menduar armiqtë tanë