Një aksident trafiku ka ndodhur në fshatin Bresalc të Gjilanit ku si pasojë kanë mbetur të lënduar dy persona.

Gazetari i Reporteri.net ka dërguar foto dhe video nga vendi i ngjarjes ku shihen se aksidenti ka qenë jo i vogël, kjo vërehet nga dëmtimi i dy veturave të aksidentuara, golf dhe Mercedes.

Rastin e ka konfirmuar edhe policia e Gjilanit.

“Po ka ndodhur një aksident mes dy veturave në Bresalc ku si pasojë janë lënduar dy persona të cilët janë dërguar për trajtim mjekësorë në spitalin e Gjilanit. Policia është në vendin e ngjarjes dhe po merret me rastin”, ka thënë Ismet Hashani, zëdhënës i policisë për rajonin e Gjilanit, për Reporteri.net.

Gazetari i Reporteri.net njofton se si pasojë e aksidentit janë shkaktuar kolona të gjatë në  rrugë. /Reporteri.net/.