Kryeministri Albin Kurti ka pranuar letër urim nga kryeministrja e Bangladeshit, Sheikh Hasina.

Sheikh Hasina është shprehur e bindur se marrëdhëniet midis Bangladeshit dhe Kosovës do të thellohen edhe më tej gjatë mandatit të kryeministrit Kurti dhe se pret që të punojë ngushtë me kryeministrin, për forcimin e lidhjeve dypalëshe për të mirën reciproke të dy popujve.

Në letër urim, kryeministrja e Bangladeshit, Sheikh Hasina, i ka uruar popullit të Kosovës paqe, progres dhe prosperitet të vazhdueshëm.