Ambasada Amerikane mirëpret caktimin e seancave për veteranët mashtrues, e zhgënjyer me rastin “Toka”

Në një postim në Facebook ambasada e SHBA-ve në Prishtinë ka shkruar se i vjen mirë që janë caktuar seancat për këtë rast e që sipas Ambasadës është një hap para për drejtësinë e Kosovës.


“Është mirë që janë caktuar tri seancat gjyqësore për rastin e veteranëve. Kjo është një hap përpara për drejtësinë e Kosovës. Qytetarët meritojnë një gjyqësor të mirëfilltë”, thuhet në postimin e ambasadës.

Në anën tjetër Abasada e Amerikës në Kosovë, ka shprehur pakënaqësinë lidhur me veprimin e Gjykatës Themelore në Prishtinë në trajtimin e rastit të njohur si “Toka” ku bëhet fjalë për ish deputetin e PDK-së, Azem Syla.

“Të zhgënjyer me performancë e dobët të gjykatës që bëri që të pandehurit e rastit “Toka” të cilët janë nën kujdestari të shtetit të mos paraqiten në gjykatë”, thuhet në postimin e ambasadës.

“Respektimi i rendit dhe ligjit nënkupton respektim procedurash”.