Ambasadori i Shteteve të Bashkuara të Amerikës në Bashkimin Evropian, Mark Gitenstein, ka bërë të ditur se sot gjatë ditës është takuar me ambasadorin e Kosovës në Bruksel, Agron Bajrami.

Ai, me anë të një cicërime në Twitter, ka theksuar se Bajramin e ka përgëzuar për veprimin e Kosovës për të shkuar nëj hap para, sipas tij, në normalizimin e marrëdhënieve me Serbinë. Kjo duke e pasë fjalën për zhvillimet e fundit në ankesin për zbatimin e propozimit evropian në kuadër të dialogut.

“E ritheksova rëndësinë që Kosova të zbatojë marrëveshjen dhe të përparojë në rrugën e saj drejt BE-së”, ka shkruar Gitenstein.

A pleasure to meet Ambassador Bajrami and congratulate Kosovo on a step forward to normalize relations with Serbia. I reiterated the importance for Kosovo to implement the agreement and advance on its EU path. pic.twitter.com/5hZ2rixDXq

— Ambassador Mark Gitenstein (@USAmbEU) March 23, 2023