Ditën e djeshme policia ka arrestuar pesë të dyshuar për posedim të substancave narkotike. Të dyshuarit janë Kosovarë dhe dy prej tyre kanë nënshtetësi Zvicerane, shkruan Reporteri.net

Kjo u bë e ditur përmes raportit të policisë, ku tutje thuhet se gjatë kontrollit në automjetin në të cilin gjendeshin pesë personat e dyshuar, është gjetur dhe sekuestruar një sasi substancë e dyshuar narkotike e llojit Marihuanë në peshë 1095.7 gram.

Ndërsa me vendim të prokurorit të dyshuarit janë dërguar në mbajtje.

Njoftimi i plotë i policisë:

Rr. Muharrem Ibrahimi, Gjilan 18.05.2019-20:30. Janë arrestuar pesë të dyshuar meshkuj Shqiptar , tre prej tyre Kosovar ndërsa dy të tjerë me nënshtetësi Zvicerane , pasi që gjatë kontrollit në automjetin në të cilin gjendeshin, është gjetur dhe sekuestruar një sasi substancë e dyshuar narkotike e llojit Marihuanë në peshë 1095.7gram. Me vendim të prokurorit të dyshuarit janë dërguar në mbajtje.

Ndërsa javë më parë Reporteri kishe raportuar se mbi 11 kilogramë substancë narkotike janë gjetur dhe konfiskuar në Pikën e Kalimit Kufitar në Merdare.

Substanca narkotike janë gjetur një autobus të një kompanie turistike me targa (KS), e cila kompani mbanë linjën e rregullt nga Prishtina me një shtet tjetër europian.

“Gjatë kontrollimit të autobusit, udhëtarëve si dhe valigjeve të tyre, në bagazhin e autobusit kanë qenë (3) tri qanta ku në to kishte 2 zmadhues zëri dhe një klimë për ftohëje, ku në brendësi të tyre janë gjetur (11) njëmbëdhjetë paketime me bari ngjyrë të gjelbër e dyshuar si substancë narkotike e llojit marihuanë me peshë 11 kg e 65 gram”, thuhet në komunikatën e Policisë së Kosovës drejtuar mediave.

Përveç këtyre dy rasteve ditë më parë edhe dy persona të nënshtetësisë belge janë arrestuar pasi që gjatë kontrollimit në automjetin e tyrë është gjetur dhe sekuestruar një AK-47 dhe një sasi substancë e dyshuar narkotike.

Sekustrimi nga ndodhur në Pikën e Kalimit Kufitar në Merdare rreth orës 03:00, kishe deklaruar Policia. /Reporteri.net/.