Një skandal ka ndodhur ditëve të fundit në Shqipëri, me të dhënat private të shqiptarëve ku janë publikuar pagat e tyre, krahas së cilës tregohet edhe numri i kartës së identiteti dhe vendi ku ata punojnë.

Pagat e mbi 637 mijë punonjësve në sektorin publik dhe atë privat kanë rrjedhur në rrjetet sociale duke bërë që çdokush të ketë akses në të dhënat personale të tyre.

Rrjedhja e listës me pagat e shqiptarëve është komentuar edhe në Kosovë, derisa asistenti i kryeministrit Kurti, Arianit Beqiri ka aluduar se një gjë e tillë duhet të ndodh edhe në Kosovë.

“I pash do rroga në Shqipëri, a bën me jau pa edhe dove rrogat në Kosovë se fort zor jon t’u i dhanë çdo natë nëpër studio?” , shkruan ai në Facebook.