Deputetja e VV-së, Mimoza Kusari-Lila, është e vetmja që ka folur për një arsyeje se pse Kryeministri në shkuarje Albin Kurti, shkarkoi mbrëmë nga detyra zëvendëskryeministrin Avdullah Hoti, një orë pasi Qeveria u shkarkua në Kuvend.

Hoti, sipas Kusari-Lilës, është viktimë e mendimit ndryshe.

Ajo, në Euronews Albania, thotë se Hoti vazhdimisht ka bërë opozitën brenda Qeverisë, ndaj është shkaruar, shkruan Reporteri.net.

“Kanë qenë kundërshtitë e vazhdueshme që kanë ekzistu mes Kurtit dhe Hotit. Hoti ka bërë në vazhdimësi opozitën brenda qeverisë, d.m.th. ka qenë ai i cili e ka përcjellë, përkundrejt angazhimit të të gjithë ministrat tjerë, ai ka mbajt agjendë tjetër, e cila ka rënë në kundërshti me Kryeministrin. Kjo është pa edhe më herët. D.m.th. nuk është hera e parë”, ka deklaruar deputetja e VV-së, në ILVA NOW, në Euronews Albania.

Ndërkohë, Avdullah Hoti në një intervistë televizive tha se as ai vetë se di se pse u shkarkua nga Kryeministri i shkarkuar nga Kuvendi.

Ish-zëvendëskryeministri i parë tha se për shkarkimin e tij nga detyra u njoftua përmes mediave.