Babai i Agon Musliut ju thotë deputetëve: Nuk i përmbaheni betimit, shkoni i bëni të gjitha të zezat

Naim Musliu, babai i Agon Musliu që vdiq në qendrën e karantinës ka dëshmuar në Komisionin Hetimor për menaxhimin e Pandemisë lidhur me vdekjen e birit të tij.


Ai ka kritikuar deputetët se nuk kanë shkuar për ta ngushëlluar, ndërsa ju ka thënë se kurrë nuk i përmbahen betimit që japin betimin si deputet.

“E keni një betim, por kurrë nuk i përmbaheni, shkoni i bëni të gjitha të zezat”, ka thënë Musliu deputetëve të Komisionit Hetimor për menaxhimin e pandemisë, shkruan Reporteri.net.

Ai ka thënë se djali i tij ka vdekur në duart të shtetit.

“Djali im ka vdekur në duar të shtetit, a është fakt. Pse në parlament nuk e thoni asnjë fjalë për Agonin ju të Vetëvendosjes. Vendosja në karantinë ka qenë e kundërligjshme”, ka thënë Musliu. /Reporteri.net/.