Një prind 57 vjeçar është arrestuar sot në sheshin “Adem Jashari”, pasi një ditë më parë në të njëjtin vend dyshohet se ka keqtrajtuar vajzën e tij të mitur.

57 vjeçari, siç mëson Gazeta Online “Reporteri.net”, dyshohet se të hënën, në qendër të Prishtinës ka rrahur vajzën e tij 17 vjeçe.

Pasi e ka sulmuar, i njëjti, ka provuar që të miturës t’ia lidhë duart me një rrip.

E një ditë pas ngjarjes që ka ndodhur në Sheshin “Adem Jashari” në kryeqytet, në të njëjtin vend, sot në mëngjes policia ka arrestuar prindin, shkruan Reporteri.net.

Ai është intervistuar dhe me urdhër të prokurorit është ndaluar për 48 orë në mbajtje.

Rastin e ka konfirmuar Policia e Kosovës për Reporteri.net.