Shqipëria dje u trondit nga një tërmet i fuqishëm që shkaktoi mbi 30 viktima, qindra të vdekur dhe shkatërroi shumë ndërtesa.

Që nga dje, pothuajse tërë Kosova i ka sytë nga Shqipëria ku janë mobilizuar i madh dhe i vogël që t’u dalin në ndihmë vëllezërve shqiptarë.

Qeveria e Kosovës ka ndarë gjysmë milioni euro mjete, kurse para janë duke u dhënë edhe qytetarë, organizata e biznese të ndryshme, shkruan Reporteri.net.

Aksione të organizuara për mbledhjen e ndihmave janë ndërmarrë në shumë qytete e fshatra të Kosovës. Në mënyrë të ngjashme janë mobilizuar edhe banorët e Stubllës së Epërme në Viti, të cilët në mënyrë të organizuar kanë mbledhur ndihma për t’i transportuar drejt Shqipërisë.

Kujtojmë se Stublla e Epërme është fshat në Viti, i banuar kryesisht nga komuniteti shqiptar katolik. /Reporteri.net