Bekim Haxhiu për Ramushin president: Gjithmonë kam votë për familjen Haradinaj, jo për Vjosa Osmanin

Lajme

Bekim Haxhiu për Ramushin president: Gjithmonë kam votë për familjen Haradinaj, jo për Vjosa Osmanin

Reporteri

22 Shkurt 2021 | 19:47

Ish deputeti i PDK-së dhe kandidati për deputet, Bekim Haxhiu ka thënë se s’ka asnjë logjikë që PDK-ja të rrijë në sallën e Kuvendit dhe t’ia bëjë votat për presidente, Vjosa Osmanit.

“Ajo (Vjosa Osmani) sapo pati hyrë në Kuyvend e pati hequr fotografinë e Thaçit që ishte president i zgjedhur. PDK-ja nuk i ka borxh as zotit Kurtit e as zonjës Osmani”, tha Haxhiu, shkruan.

Sipas tij, nëse Kurti dëshiron ta bëjë presidente Osmanin, ai duhet t’ia sigurojë votat asaj.

Lexo edhe:

Flet Komandati i Policisë në Lipjan: Kam dhënë dorëheqje morale, s’jam shkarkuar

Jep dorëheqje Komandati i Policisë në Lipjan pas rastit të Agon Zejnullahut

Sonte në Lipjan ndizen qirinj për Agon Zejnullahun

“Nëse nuk ia siguron votat zonjës Osmani, vendi do të shkojë në zgjedhje sërish”, ka thënë Haxhiu në ATV.

Tutje ai tha se çështja e zgjedhjes së presidentit nuk është diskutuar në PDK, por sipas tij, bëhet fjalë për parime.

“Nëse dëshirojnë të zgjedhim një kandidat konsensual për president, atëherë mund të flasim”, shtoi ai.

I pyetur për kandidaturën e Ramush Haradinajt për president dhe atë të Murat Jasharit si kandidat i mundshëm konsensual, Haxhiu u përgjigj kështu: “Për familjen Haradinaj dhe për familjen Jashari, unë në Kuvend do të kem votë gjithmonë, pavarësisht si do të jetë vendimi i partive”.

Shpërndaje: