Sistemet e mbrojtjes ajrore amerikane në Lindjen e Mesme kanë kapur disa dronë iranianë që cak kishin Izraelin, sipas dy zyrtarëve amerikanë.

Kështu raporton CNN duke mos dhënë shumë detaje.

Burimet, sipas CNN nuk specifikuan se si SHBA i përgjuan dronët dhe ku.

Irani ka nisur sulme me dronë drejt Izraelit, ka thënë të shtunën në mbrëmje Forca e Mbrojtjes e Izraelit.

Tash e disa ditë Irani ka kërcënuar me hakmarrje kundër Izraelit për një sulm në konsullatën iraniane në Siri më 1 prill, në të cilin u vranë shtatë anëtarë të Gardës Revolucionare, duke përfshirë dy gjeneralë dhe duke shkaktuar frikë se një klimë tashmë e paqëndrueshme në Lindjen e Mesme, me Izraelin dhe Hamasin në Gaza në luftë, shpejt mund të zgjerohet më tej./Reporteri.net/