Kuvendi i Serbisë mund të bëhet për herë të parë me një deputete me mbulesë.

Bëhet fjalë për Misala Pramenkoviq, e cila është e treta në listën e Partisë së Drejtësisë dhe Pajtimit (PPSH) dhe  në kuvendin serb do t’i përfaqësojë qytetarët e Sanxhakut, transmeton Reporteri.

Se a do të hyjë në parlament Pramenkoviq do të dihet pasi Komisioni Zgjedhor të publikojë  rezultatet përfundimtare të zgjedhjeve, por presidenti i PPSH-së, Muamer Zukorliq, beson se është pothuajse e sigurt që ajo do të jetë pjesë e Kuvendit.

Sipas tij, në kuptimin kulturo-civilizues, ky paraqet një hap domethënës përpara dhe dërgon një mesazh të rëndësishëm.

Kujtojmë se pjesë e parlamentit serb pritet të jenë edhe dy shqiptarë nga Lugina e Preshevës./Reporteri.net