Lituania po i dërgon një mesazh të fortë presidentit rus Vladimir Putin pasi u lëshua një urdhër arresti ndaj këtij të fundit për dyshime të krimeve lufte.

Ministria e Jashtme e Lituanisë ka publikuar një foto në Twitter të një pankarte në një rrokaqiell në kryeqytetin e Lituanisë, Vilnius, ku ishte shkruar “Putin, Haga po të pret”.

Sigurisht që i referohet Gjykatës Ndërkombëtare Penale – që ka lëshuar urdhër-arrestin për Putinin, që ndodhet në Hagë, Holandë.

Në mars të vitit të kaluar, kryetari i bashkisë së Vilnius, Remigijus Simasius, shkroi të njëjtin mesazh në një rrugë përballë ambasadës ruse të qytetit.

Putin, the Hague is waiting for you! https://t.co/5GwHc7k4VW pic.twitter.com/ErDPkARZyp

— Lithuania MFA | #StandWithUkraine (@LithuaniaMFA) March 17, 2023