Shkencëtarët në të gjithë botën po nxitojnë të gjejnë një kurë ose vaksinë kundër COVID-19, e cila, nganjëherë, mund të rezultojë në propozime interesante.

Një pjesë e shkencëtarëve u përqendruan  në komponimet tashmë të njohura që janë hulumtuar dhe aplikuar në trajtimin e disa sëmundjeve të tjera. Por një pjesë u përqendrua në ilaçet që mund të themi se janë jo pak tradicionale.

Pasi mjekët kinezë njoftuan se ata përdorën edhe ilaçin modern ashtu edhe atë tradicional në trajtimin e COVID-19, shkencëtarët filluan të studiojnë bimë që ne në pamje të parë nuk do t’i shoqëronim me ilaçin, transmeton Reporteri shkrimet e mediave të huaja.

Studiuesit mjekësorë në Izrael po planifikojnë të studiojnë potencialin që kanabisi të përdoret për trajtimin e koronavirusit. Hetuesit në Qendrën për Kërkime të Kanabisit në Kampusin e Kujdesit Shëndetësor Rambam në Haifa kanë studiuar efektin e kanabisit tek pacientët me këtë sëmundje dhe planifikojnë të fillojnë provat klinike brenda disa muajve të ardhshëm.

Doktori, Igal Louria-Hayon, drejtori i qendrës së kërkimit, tha në një deklaratë për shtyp t se ai po udhëheq një ekip që heton nëse vetitë anti-inflamatore të kanabisit mund të ndihmojnë në parandalimin e një reaksioni të rëndë inflamator të njohur si një stuhi citokine.

“Kanabisi është i njohur për vetitë anti-inflamatore dhe ne kemi kryer hulumtime të përparuara në lidhje me përdorimin e kanabisit për të trajtuar sëmundje të tjera me reagime inflamatore”, tha Loria-Hayon.

Shkencëtarët në Qendrën për Kërkime të Kanabisit kanë identifikuar 15 llojet e kanabisit që duket se kanë aftësinë për të parandaluar koronavirusin. Louria-Hayon beson se kanabinoidet dhe sistemi endocannabinoid i trupit mund të ndihmojnë në modulimin e përgjigjes së sistemit imunitar ndaj pushtuesve siç është koronavirusi. /Reporteri.net