Një 26-vjeçar është arrestuar nga policia britanike pasi është kapur duke kultivuar kanabis.

Beshir Mustafa i cili jetonte ilegalisht, pa adresë fikse, pranoi prodhimin e kanabisit që në 4 tetor të vitit të kaluar.

Gjithashtu policia ka arrestuar edhe tre persona të tjerë të cilët kultivonin 130 bimë kanabis. Atyre iu gjetën pajisje dhe para të thata në banesën e tyre.

Ndërsa vetë shqiptari punonte si kopshtar duke u kujdesur për kultivimin dhe rritje e tyre. Ai ka pranuar para gjykatës se ka punuar si kopshtar për bimët e kanabisit për tre ditë. Ndërsa policia i gjeti vetëm 35 paund në xhep, transmeton fjala.al.

Gjykatësi Mark Bury tha para gjykatës se “ai duhet të jetë pak i kujdesshëm. Ai ka punuar vetëm si kopshtar. Ai duhet të sistemohet në një punë në Kew.”

Mustafa ishte kapur edhe më parë për kultivim kanabisi duke u mbajtur në paraburgim, ndërsa këtë radhë u dënua me 1 vit burgim nga Gjykata e Kurorës në Birmingham, por vitet e dënimit iu ulën për shkak të periudhës së paraburgimit.