Presidenti turk Rexhep Taip Erdogan ka deklaruar sot se është gati që të takohet me kryeministrin e Greqisë, Kyriakos Mitsotakis.

Por pavarsisht gatishmërisë për takimin ai ka shtuar se anija “Oruc Reis” sapo të mbarojë remontin do të rikthehet në det për të vijuar kërkimet.

“Nuk e kam problem të takohem me kryeministrin Grek Kyriakos Mitsotakis. Rëndësi ka çfarë do të diskutojmë dhe në çfarë konteksti do të takohemi”, tha ai.

Ndërkohë kujtojmë se konflikti turko-grek për kufirin detar në Mesdheun Lindor vijon.