×
  • Lajme
  • Botë / Stuhi të forta

    Tre të zhdukur nga përmbytjet në një kanton në Zvicër

    Reporteri
    22 Qershor 2024 | 18:10

    Në Zvicër, lumenj të shumtë kanë dalë nga shtrati pas stuhive të forta.

    Më shumë se 230 njerëz u detyruan të linin shtëpitë e tyre në kantonet Valais dhe Graubünden. Vendpushimi i në Zermatt është i shkëputur nga bota e jashtme.

    Stuhi të forta kanë goditur Zvicrën gjatë ditëve të fundit. Kësaj i shtohet edhe shkrirja e madhe e borës këtë vit. Prandaj, autoritetet në kantonet Valais dhe Graubünden kanë evakuuar më shumë se 230 banorë.

    Shefja e Zyrës për Mbrojtjen Civile, Marie-Claude Noth-Ecoeur, tha për agjencinë zvicerane të lajmeve Keystone-SDA se më shumë se 200 zjarrfikës janë në detyrë.

    Katër persona u zhdukën në kantonin Graubünden. Policia kantonale njoftoi se një grua u shpëtua e gjallë mëngjesin e sotëm pranë qytetit Lostallo në veri të liqenit Como. Tre persona të tjerë janë ende në kërkim.

    Policia paralajmëroi mos hyrjen në bodrume apo parkingje nëntokësore dhe i bëri thirrje popullatës që të qëndrojë larg ujërave të përmbytura. Një pjesë e autostradës në kufi me Italinë u detyrua të mbyllej për shkak të rrëshqitjes së dheut.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!