Presidentja e Kosovës, Vjosa Osmani është takuar me liderë shtetëror në darkën e shtruar në kuadër të Forumit vjetor Globsec në Pragë.

Osmani përmes një shkrimi në rrjetin social X ka shpërndarë fotografi nga kjo darkë, ku shihet së bashku me liderë të tjerë shtetëror.

“Përpara diskutimeve dhe takimeve të nesërme në #GLOBSEC2024 , pata kënaqësinë të angazhohesha me shumë miq të Republikës sonë dhe liderë të tjerë nga i gjithë kontinenti në Kështjellën e bukur të Pragës për Ceremoninë e Çmimit GLOBSEC të këtij viti. Urime për @EU_Commission President @vonderleyen dhe kryeministren daneze Mette Frederiksen për njohjen e tyre të merituar!”, shkroi Osmani.

Ahead of tomorrow's discussions and meetings at #GLOBSEC2024, I had the pleasure of engaging with many friends of our Republic and fellow leaders from across the continent at the beautiful Prague Castle for this year's GLOBSEC Award Ceremony.

Congratulations to @EU_Commission… pic.twitter.com/nuKKcxWd8T

— Vjosa Osmani (@VjosaOsmaniPRKS) August 30, 2024

Presidentja e Republikës së Kosovës, Vjosa Osmani, udhëtoi sot për në Pragë të Republikës Çeke, për të marrë pjesë në forumin global të sigurisë, GLOBSEC 2024.

Presidentja Osmani u vendos në mesin e liderëve global, të cilët u mblodhën në Pragë me qëllim të diskutimit të sfidave të ndryshme gjeopolitike dhe rëndësisë së bashkëpunimit në tejkalimin e tyre.