Prokuroria Themelore e Gjakovës, me të denoncuar në Reporteri.net rasti i një të moshuare, të sëmurë me kancer të fytyrës, që spitali në Gjakovë nuk i ka ofruar tash e disa javë ndihmë mjekësore, ka nisur hetimin e rastit.

Vetëm pak orë pasi Gazeta Online ‘Reporteri.net’ ka raportuar për skandalin në spitalin e Gjakovës, ku një mjek ka refuzuar të operojë një paciente 86 vjeçare të sëmurë me kancer në fytyrë, shkaku i situatës së krijuar me pandeminë COVID-19 në vend, Kryeprokurori i Prokurorisë Themelore të kësaj komune ka urdhëruar nisjen e një hetimi për rastin.

Inicimin e hetimeve e ka bërë të ditur për Reporteri.net vetë Kryeprokurori Ali Selimaj.

Gazeta Online ‘Reporteri.net’, të hënën pasdite ka denocuar rastin se si në Spitalin Rajonal të Gjakovës, tash e disa javë, po refuzohet t’i jepet ndihmë mjekësore, për sëmundjen e rëndë që i është shfaqur në fytyrë, përkundër se gjendja e saj çdo ditë e më shumë është duke iu renduar dhe kanceri në lëkurë po i përhapet masovisht në fytyrë.

Sipas familjarëve, mjekët e spitalit po refuzojnë ta operojnë pacienten për shkak të gjendjes së krijuar në vend pas përhapjes së Coronavirusit.

Derisa mjeku i rastit Shpëtim Dylazeka dhe drejtori i spitalit Hlimi Shala kanë dhënë shpjegime të ndryshme për Reporterin, në lidhje me këtë rast.

Ndërkohë, që Spitali Rajonal i Gjakovës, tek pasi Gazeta Online ‘Reporteri.net’ ka nisur të trajtojë këtë rast, kanë njoftuar familjen se kanë caktuar për të mërkurën operimin e pacientes së moshuar.

Në bisedën me Reporterin, mjeku Shpëtim Dylazeka ka shkuar aq larg, sa që e quan shantazh denoncimin e rastit dhe kërkesën e familjes për ndihmë nga mediat, për trajtimin mjekësor të 86 vjeçares në gjendje të renduar. /Reporteri.net/.