Deputeti i AAK-së, Gazmend Syla ka reaguar për rregulloren e re të Qeverisë së Albin Kurtit e cila ua ka garantuar dy zëvendëskryeministrave të tij ti kenë deri në 60 këshilltarë politikë.

Syla ka thënë se ndryshimet e Kurtit që po ndodhin çdo ditë tregojnë për politikën e tij mashtruese.

Postimi i plotë: 

Albin Kurti dyfishon ushtrinë e këshilltarëve.

Albin Kurti çdo ditë e më shumë po ndryshon, duke e vërtetuar atë çfarë kemi thënë ne, në vazhdimësi.

Me rregulloren e re që sot paska bërë kryeministri Kurti, paska dyfishuar numrin e këshilltarëve.

Kjo tregon se si Kurti me politikën e tij mashtruese, në opinion tenton të tregojë se kursen paranë publike, ndërsa që në fillim të mandatit të tij, jemi dëshmitarë që po e bën të kundërten.