Dërgohet në mbajtje vëllai i plagosur i Astrit Ademajt

Avni Ademaj i cili mbeti i plagosur në ngjarjen tragjike ku u vra vëllai i tij, kandidati për kryetar të Pejës nga radhët e Partisë Demokratike të Kosovës, Astrit Ademaj, dhe zyrtari i lartë i kësaj partie, Blerand Kadrijaj, është dërguar në mbajtje.


Lajmin e ka konfirmuar Policia e Kosovës përmes raportit 24 orësh, shkruan Reporteri.net.

“Në lidhje me rastin është konsultuar prokurori i shtetit i cili pas analizimit të rastit ka bërë ri- cilësimin e viktimës së tretë në të dyshuar dhe me vendim të prokurorit, tani i dyshuari është arrestuar dhe është dërguar në mbajtje.”, thuhet në raport.

Ndryshe, mbrëmjen e së mërkurës, në Pejë mbetën të vrarë kandidati i PDK-së për kryetar të Komunës nga PDK, Astrit Ademaj dhe zyrtari i lartë i kësaj partie, Blerand Kadriaj.

Kadrijaj ishte kandidat për kryetar të Komunës së Deçanit nga radhët e PDK-së në zgjedhjet lokale të vitit 2017.

Deri te vrasja dyshohet se ka ardhur pas një konflikti momental që ka ndodhur në afërsi të shtëpisë së viktimës, Astrit Ademaj. /Reporteri.net