Albanian
English
German
Serbian
Turkish
Macedonian
Croatian
Rastet e vjedhjeve në pikë të ditës në vendin tonë nuk kanë të ndalur.
Një rast i grabitjes ka ndodhur sot në pikë të ditës në Prizren, ku dy persona të maskuar dhe armë të shkurta kanë thyer pikën e KEDS-it dhe kanë arritur të marrin një sasi të madhe parash.
Rastin e ka konfirmuar për Reporteri.net Policia e Kosovës.
“Rreth orës 15:03 minuta dy persona me armë të shkurta dhe me maska kanë arritur të grabitin një numër të konsiderueshme të parave në KEK në Prizren dhe janë larguar në drejtim të paditur”, ka thënë Shaban Osmanollaj, zëdhënës i Policisë së Kosovës për rajonin e Prizrenit për Reporteri.net.
Osmanollaj thotë se policia ka dalë në vendin e ngjarjes dhe po merret me rastin.
“Policia ka dalë në vendin e ngjarjes dhe po interviston dëshmitarët dhe të marrë incizimet e kamerave”, ka thënë Osmanollaj. /Reporteri.net/.
