Babë e bir nga komuna e Mamushës janë arrestuar, pasi që dyshohet se kanë ushtruar dhunë fizike ndaj bashkëshortes, përkatësisht nënës të hënën e 3 majit.

Policia  e Kosovës ka njoftuar përmes raportit 24 orësh se viktima ka pësuar lëndime trupore, shkruan Reporteri.net.

Po ashtu bëhet e ditur se pas dyshimit për posedim të armëve, gjatë kontrollit në shtëpinë e tyre janë gjetur dhe konfiskuar pesë pistoleta të llojeve të ndryshme, 317 fishekë të kalibrit 7.65 mm, dy fishekë të kalibrit të panjohur dhe pesë karikatorë.

Me vendim të prokurorit, dy të dyshuarit janë dërguar në mbajtje. /Reporteri.net