Edhe menaxhmenti i RTK-së e ka mohuar lajmin për përleshjen ndërmjet avokatit, Tomë Gashit dhe sekretarit organizativ të PSD-së Nol Nushi.

Një media e caktuar në vendin tonë, ka raportuar lajmin se gjatë një debati televiziv në RTK, ka pasur një përleshje fizke ndërmjet Gashit dhe Nushit, por një gjë e tillë është mohuar nga menaxhmenti i Radion Televizionit të Kosovës, shkruan Reporteri.net.

Drejtori i RTK-së, Ngadhnjim Kastrati, mohon të ketë pasur përleshje fizke, por nuk përjashton faktin se Nol Nushi i është kundërpërgjigjur me ujë, avokatit Gashi.

“Të nderuar,
Menaxhmenti i RTK mohon lajmet e publikuara në disa portale për një përleshje fizike të mysafireve Tome Gashi dhe Nol Nushi në studion e RTK pas debatit.
RTK njofton shikuesit se mysafirët kanë vazhduar debatin me tone ofenduese edhe pas emisionit ku Nol Nushi i është kundërpergjigjur duke e gjuajtur me ujë, por se nuk ka pasur përleshje fizike e as goditje ndërmjet tyre”, thuhet në njoftimin e RTK-së.

Kujtojmë se lajmi u dha nga Milaim Zeka, në portalin e tij, “Pa Rrotulla”, por që u mohua nga të gjithë./Reporteri.net/